Āe rā, ka tuhituhia e au he tuhituhinga i roto i te reo o tōku pāpā, koia te mātauranga o ngā Hūrai, me te reo o ngā Īhipiana. – 1 Nīwhai 1:2

Kei te tīmataranga o te Pukapuka a Moromona ka whakamāramatia e Nīwhai e mōhio ana ia ki te reo o tōna pāpā, arā, ki te reo Hūrai, ā, e mōhio ana anō hoki ki te tuhituhi nā roto i te arapū Īhipiana. I runga i tana mōhio ki te kōrero, ki te tuhituhi anō hoki rā roto i te reo o tōna pāpā, kua āhei ia ki te whakaputa tika i ngōna whakaaro me te whakatakoto tau i ngana tīrohanga maha mō ngā whakaakoranga me ngā matapono o te rongopai. Mehemea kīhai ia i matatau ki tōna reo ake, i tuhituhi rānei ia nā roto i tētehi reo kē atu, ko taku whakapae, kāore i taea e ia te tuhituhi i tētehi pukapuka kaiaka whēnei i tēnei.

Ko tō māua ko Michael whakapono, mā te āhei o te tamaiti ki te mārama i tōna reo taketake ka whanake ai te āhei o te tamaiti ki te ako, ki te mārama anō hoki i tōna ao me ngōna pānga whaiaro ki te ao. I te mea hoki ka riro te reo taketake hei tūāpapa e whakatūria ai te pēwheatanga e whakawhanaunga ai te tamaiti ki te ao nei, e mārama ai hoki i te ao. Ka tino uaua ki te tamaiti te ako mehemea me ako ia rā roto i reo kē, ā, kāore hoki te whanaketanga o tōna reo taketake, o tōna reo tuarua rānei e tautokona ana e te kura e taea ana e ia. Ki te kore e hono tonu te tautoko, te whakawhanaketanga hoki i tōna reo taketake e kore pea e mau pai i a ia he māramatanga, he māoritanga rānei, he aroātanga rānei o tōna ao mā roto i tōna reo tuarua.

Without continued support and development in their native tongue it is unlikely that they will gain a good grasp of understanding, of enlightenment or comprehension in their second.

Kuputaka

Māoritanga – Enlightenment (Pūrangiahotanga)
Whai whakaaro – Wisdom
(Ko) Te Pukapuka a Moromona – The Book of Mormon
Nīwhai – Nephi
Tīmataranga – Beginning (Tainui dialect variant of tīmatanga)
Nā roto – Through (= i roto, rā roto, mā roto)
Arapū – Alphabet
Matapono – Principle
Kaiaka – Expert
Whanake – Develop
Whaiaro – Personal
Tūāpapa – Foundation
Pēwheatanga – Way, how (nominalized form of pēwhea, Tainui dialectal form of pēheatanga)

Yea, I make a record in the language of my father, which consists of the learning of the Jews and the language of the Egyptians. – 1 Nephi 1:2

At the beginning of the Book of Mormon Nephi explains he knows the language of his father, that is, the Hebrew language and that he also knows how to write using the Egyptian alphabet. Because of his ability to speak and write in the language of his father, he was able to ably express his thoughts and expertly set out his many views about the doctrines and principles of the gospel. If he was not proficient in his language, or had he written in another language, I am of the opinion that he would not have been able to write an eloquent book such as this one.

Michael and I are of the belief that through a child’s ability to understand their native tongue that the their ability to learn and to understand their world and their connections to the world. As because the native language becomes the basis where the manner in which a child relates to the world is established, and are able to comprehend the world. It is very difficult for a child to learn if they are learning through a foreign language and the the development of their native language or their second language is not supported at the school that is attended by them. Without continued support and development in their native tongue it is unlikely that they will gain a good grasp of understanding, of enlightenment or comprehension of their world in their second language.

Ko te wāhanga whakamere ki ahau ko te pātai atu a Willie ki a Peter “Ka pēnā rawa tōu āhei ki te whakarere mēnā ko tāu ake tamāhine, tāu ake mokopuna rānei i pāwheratia rā?” Ka karohia e ia te pātai a Willie, ā, ka haere tonu ia ki te kōrero mō ngā mea kikino katoa e pā ana ki te pāpori o Aotearoa (pērā i te pōwharatanga, i te hiakaitanga o ngā tamariki i te aha i te aha). Ahakoa tāna karo i te whakautu i te pātai i whakakaupapatia tonu e ia ngā take e whakaeke tata ana i Aotearoa i tēnei wā. Engari, ka mea tonu ia ” e kore e tika kia riro mā ngā pārurenga o te hara e noho anō hei kaiwhakawā tonu” nā reira, ki tāna titiro, he mea tikakore taua pātai a Willie. Me taea e te kaiwhakawā te whakariterite i runga i te tika me te pono.

Heoti anō e hoa mā, he aha ngētehi take ā-motu, kaupapa ā-motu rānei e whaitikanga nui ana ki a koutou i tēnei wā? Ki te mea ka pāwheratia tāu tamaiti ake, ka āhei rānei koe ki te whakarere i te hara o te tangata i taka rā ki te hē?

The interesting part for me was when Willie asked Peter “Would you be just as able to forgive if it was your own daughter or grandchild who was raped?”. He dodged Willie’s question and he continued to talk about all the ills affecting New Zealand society (such as poverty, child starvation etc etc). Despite his dodging of the question he still mentioned issues that beset New Zealand currently. But, he still said “it is inappropriate for victims of crime to act as judges as well” hence, in his view, Willie’s question was inappropriate. A judge needs to be able to judge in objectivity.

Anyway my friends, what are some national issues or national or national points of discussion that are important to you today? Also, if your own child was raped, would you be able to forgive the wrong of the person who committed the act?

Ko te tūmanako mā te whakamārama i ngēnei momo kupu, momo kīanga, ka puāwai ai te tupu o te reo ōnāianei kia kaha ai te rangatahi me ngā tamariki ki te kōrero Māori ā ngā tau e heke mai nei! E whakapono mārie ana a Tīmoti Karetu, mātanga reo Māori, me taea e te tamaiti te whakaahua i tōna ao mā tōna reo, ki te kore e taea e ia, ka tere whakarērea iho e ia te reo kia kimi reo hōu ai e kaha ana ki te kawe i ngōna ahurea.

Kuputaka

Paetuhi – Blog (pae – site, tuhi – write)
Whakatītaha – To italicize
Mātanga – Expert
Ahurea – Culture, deepest thought

My hope is that through explaining these types of words and types of phrases that the development of the modern language will blossom like a flower so that youth and children will be able to speak Māori in years to come! Tīmoti Karetu, Māori language expert, strongly believes that a child needs to be able to express their world through their language and if they are unable to do so then they will abandon their language so they can find a new one that will be able to express their deepest of thoughts.

Āpōpō, ko Hāmoa kē te motu tuatahi e mihi atu ki te tau Pākehā hou. Nā runga i te ture i whakatau ai rātou kia nekehia te rārangi rātaka ā-taiao i te hauāuru o tō rātou motu ki te rāwhiti. E mahi ana rātou i tēnei nō te mea ka ngāwari ake ki a rātou te hokohoko ki Aotearoa me Ahitereiria i te mea (i mua) inā hoki anō a Aotearoa me Ahitereiria ki te hokohoko i ngā Rāhina kua Rātapu tonu ki Hāmoa. Kia mutu mai a Aotearoa me Ahitereiria te hokohoko, kotahi te rā hokohoko e toe kē ana mō Hāmoa. Mā konei ka taea ai e rātou te hokohoko i te rā kotahi ki Aotearoa me Ahitereiria. E whakaarotia ana ka tupu ake ai te ōhanga o Hāmoa.

Heoti anō, anei he whakaaro hei āwhina i a tātou katoa nō tātou e whakarite tikanga ana mō te tau e takoto ake nei.

Whakaritea he whāinga e taea ana te whakatutuki. He koretake noa iho te whakarite whāinga mēnā e kore e taea e koe te whakatutuki. Hei tauira, mēnā ko tōu whāinga kia tū koe hei kaiako reo Hainamana, mēnā kāore koe e mōhio ana ki te kōrero Haimana, e kore e taea e koe tōu whāinga te whakatutuki i te tau kotahi. Heoti, me tauwehewehe e koe tōu whāinga kia maha ngā whāinga rīriki e taea ai e koe te whakatutuki. Nō reira, e hoki ake ana ki taku tauira, ka taea taua whāinga te tauwehewehe kia rua ngā whāinga. Me matua ako koe ki te kōrero Hainamana i te tuatahi, mā reira e taea ai e koe te tahuri ki te ako me pēwhea koe e whakaako ai i te reo Hainamana.

Kia manawanui – kīhai a Rōmā i whakatū i te rā kotahi. Nā reira, kaua e tuku ake i tōu whāinga mēnā e kore e taea e koe tōu whāinga te whakatutuki i te wā poto. Me whai tonu e koe tōu whāinga kia tutuki rānō i a koe. Ko tāku kī taurangi ki a koe – ka rekareka koe mēnā ka tutuki i a koe te whāinga.

Mēnā e hiahia ana koe ki te tuku ake i tētehi hanga kino, whēnei i te “kai paipa”, kaua e whakamā ki te tahuri ki ngōu hoa/whanaunga tiki āwhina ai nō rātou mēnā ka whakaaro koe ka hoki atu ki ngō hanga kino. Mā rātou koe e āwhina i te wā o tōu matea.

Mā ngā whāinga rīriki maha, e tae ai koe ki te whāinga matua. Koia, whāia te pae tawhiti kia tata. Whāia te pae tata kia tīna, tīna! Haumie hui ē tāiki ē!

Heoti anō e hoa mā, kia haumaru koutou katoa i tēnei wā o te tau!

Tomorrow Sāmoa will be the first country to greet the new European year. By way of law they have decided to move the international date line from the west of their country to the east. They are doing this because it will become easier for them to trade with New Zealand and Australia as when New Zealand and Australia used to return to trading on Mondays it was still Sunday in Sāmoa. When New Zealand and Australia would finish trading for the week, Sāmoa still had a day left of trading. By doing this they will be able to trade on the same day as New Zealand and Australia. It is thought that the economy of Sāmoa will grow as a result.

Anyway, here are some thoughts to help all us as we set new plans/goals for the year ahead.

Set goals that can be achieved. It is pointless to set goals if you are unable to achieve them. For example, if it is your goal to become a Māori language teacher, if you do not know how to speak Māori, you won’t be able to accomplish your goal within the year. And so, you would need to split your goal into many small goals you will be able to achieve. Therefore, going back to my example, that goal can be split into two. You should first learn how to speak Māori and by doing so you will then be able to start to learn how you can teach the Māori language.

Be patient – Rome was not built in a day. So, don’t give up your goal if you can’t achieve it in a short space of time. You should pursue your goal until you’ve achieved it. You’ll be happier for it, I promise.

Kia manawanui – kīhai a Rōmā i whakatū i te rā kotahi. Nā reira, kaua e tuku ake i tōu whāinga mēnā e kore e taea e koe tōu whāinga te whakatutuki i te wā poto. Me whai tonu e koe tōu whāinga kia tutuki rānō i a koe.

If you want to give up a bad habit, such as “smoking”, don’t be shy to turn to your friends/family to get assistance from them if you think you’re going to revert back to your old habits. They will help you in your time of need.

By many small goals, you’ll reach your major goals. Indeed, pursue the distant horizon until it is close. Pursue the close horizon until you have achieved it!

Well my friends, may you all keep safe this weekend!

He whakairinga poto noa iho tēnei. E mōhio ana rānei koutou ko te taonga o te whakaoranga o ngā tāngata i whakatakotoria e Ihu hei koha mā te katoa te take tūturu e whakanuia ana te Kirihimete e ngā kaiaru o te whakapono Karaitiana? E ai tā Hoani “I te aonga ake ka kite ia [arā, a Hoani] i a Ihu e haere ana mai ki a ia, ka mea, Nā, te Reme a te Atua, hei waha atu i te hara o te ao!” – Hoani 1:29

Mō te roanga atu o ngā kōrero mō te oranga o Ihu Karaiti me tana whakatakanga, pānuitia ngā pukapuka tuatahi e whā o Te Kāwenata Hou.

Heoti anō rā! Noho ora mai, nē?

.

For further information about the life of Jesus Christ and his mission, read the first four books of the New Testament.

That’s all for now! Please keep safe, ok?